MENU LOG IN CART {{currentCart.getItemCount()}}

我們的小故事

一個熱血既業餘運動員:

由細到大,鍾意跑步、鍾意跑山、打籃球、踢足球;天南地北,上山下海,無一不歡無一不樂。

齌玩都仲未夠皮,鍾意運動到要入浸大讀體育碩士。

畢業後,一直深信--- 要贏人,先要贏裝備;得裝備,得天下!

希望用專業的角度同經驗,同大家分享箇中樂趣。

一個美貌興智慧並重既設計師:

典型港女暨外貌協會主席,最緊要靚,仲要有內涵。

係Poly修讀產品設計,今次終於學以致用,產品設計及改良就靠曬佢!



點解唔淘寶 ??:

相信大家都有慘痛經驗,淘寶買舊野返到黎發現甩皮甩骨,核核突突,拎起都唔想用。退貨?先唔好講運費,有D 產品你想退中國海關都唔俾你寄返去。

我地都同大家一樣,中伏當食生菜;最後頂唔順,自己造品牌、自己造產品、自己睇QC。


實體店 ? :

大家落街食個飯,到底有幾多錢落去業主手上,相信大家都心中有數!

我地希望將資源專注係產品研發,同埋將產品以更優惠的價格推介俾各位。

我地希望將資源專注係產品研發,同埋將產品以更優惠的價格推介俾各位。

我地希望將資源專注係產品研發,同埋將產品以更優惠的價格推介俾各位。

(重要的事要講3 次!)

隨住大家接觸的網店愈來愈多,相信大家都接受網店的優點:

  • 送貨服務 (工商區免費;呢家仲有加強版,夜晚先送屋企都仲得)
  • 有問必答,PM 得我地,定必詳情解答
  • 客戶服務:產品我地用過,做好資料搜集先敢介紹俾大家,有時仲會拍片做個示範,務求大家用得其所

雖然我地係網店,但係香港一樣有正式註冊,一樣有商業登記,一樣都要交稅!(慘)
最後,希望各位多多支持,幫襯完覺得掂既,介紹下俾親朋戚友。